貓貓o既朋友仔
|
|
|
以下o既朋友大部份都係我o既好朋友，好多都係睇住我大，睇住我壞...令佢地咁失望，o係度同佢地講聲Sorry...
Kaffe︰佢係一個識左11年o既好姊妹兼舊街坊，由小一識到而家，但係真係開始熟係o係四年班o個陣，我地試過反面，但係做返朋友之後，大家比以前都更加珍惜呢段友誼，佢o係4年前移民左去溫哥華，雖然大家冇得見面，但係我地仲有靠書信同icq聯絡，佢今年12月會返一返黎香港，4年無見啦，好期待12月呀...
卡晶︰佢係我另外一個識左11年o既好朋友，小學入學o既第一個朋友就係佢啦，小學修面最friend o既都算係佢架啦，我地中學都述埋同一間學校，但係可能o係唔同班，識左唔同o既朋友，大家生疏左，但係反而而家熟絡返，希望我地之後唔會生疏返啦...
肥恆，詩美，雲婷︰呢三個都係我o既小學同學，小四度開始識，計落都識左成九年啦...雖然而家唔係咁熟，但係o個陣同佢地一齊玩真係好開心...特別係雲婷，雖然我地嗌過交，反過面，但係佢曾經都係我最好o既朋友之一...
阿韻︰無記錯o既話我地係o係小二o個陣識o既，曾經有排好熟，直至小四o個年佢搬左過將軍澳，大家就小左見面，只係靠書信聯絡，我諗我地上次見面應該都係年頭o既事啦，雖然而家只係靠icq通訊，但係我仲當佢係我o既好朋友架...
Vernon︰佢係我升到上中學第一個識o既人，岩岩識佢o個陣覺得佢幾nice架，但係慢慢就原型畢露，變左傻婆一個，哈哈....識左五年啦，大家都變左好多，我諗我係所有人之中變得最多o個個，亦係令佢令佢最失望o既人，但係都好多謝佢呢五年黎對我o既不離不棄同埋支持...
Kathy︰佢係我升到中學第二個識o既朋友，佢係一餉無愛情主義者，最初佢俾我o既感覺係佢係一個好靜同埋性格有o的古怪o既人，大家傾得埋我諗係因為貓掛，哈哈...而家見到佢o既性格開朗左，大家亦都接受佢，我都好開心...一樣係識左五年，同Vernon一樣，我諗我都係最令佢失望o既人，都係o個句，好多謝佢呢五年黎對我o既不離不棄同埋支持...
小洳︰中二識到而家，一個好Sporty o既女仔，佢係我離開左聖母玫瑰之後聯絡得最密o既朋友，佢係其中一個令我覺得好後悔教壞左佢o既好朋友，特別係教左佢食煙...
阿輝︰一個識左兩年o既net friend，都係一個算係好緊我o既朋友，係我另外一個傾心事o既對象，雖然未見過，但係我都當佢係好朋友架...
Milk︰新法入面o既好朋友之一，一個人見人愛o既女仔，我o既契妹。呢個妹好錫我、好緊我架，佢亦係當時o係新法度對我最好o既人...
Geo︰新法入面o既好朋友之一，一個好痴情o既人，諗野都算大個，有野搞唔掂我都會搵佢傾架，但係偏偏佢自己有事o個陣唔識諗...
Kan︰新法入面o既好朋友之一，我o既契哥，諗野又係都算大個，但係性格就 動左o的，係另外一個傾訴o既對象...
阿冰︰新法入面o既好朋友之一，o係新法o個陣同佢唔算熟，反而係離開左新法之後先同佢熟o既，佢同阿Milk一樣都係好錫我、好緊我...
阿浩︰初戀情人，o係新法認識，而家做左朋友，但係N年都唔搵佢一次，都唔知有咩好講...
Amanda︰新法o既同學，下學期先識佢o既，因為唔同班，曾經有排令我對佢好失望，而家最熟o既人，佢亦都對我好信任，出年會同佢一齊o係同一間學校度repeat form5...
阿茵(餃餃)︰大埔班朋友o既其中一個，我地o既認識係因為一間叫MPHK o既公司，又係一個好錫我o既契妹...岩岩識佢o個陣覺得佢好惡，但係同佢熟左之後覺得佢無咩...識左年幾，但係一齊經歷o既野就好多...由最初佢唔鍾意我，到佢開始接受我，跟住再做埋好朋友，再做埋會互相扶持、有共同理想同興趣，去邊都會o係埋一齊o既好姊妹，之後有排又因為我令佢失望而令佢對我冷淡左，到而家又熟絡返...時間真係唔係好耐，但係當中發生過o既事真係好深刻...
大恩︰大埔班朋友o既其中一個，我地o既認識都係因為o個間叫MPHK o既公司，一個好錫我o既契哥，我有親事佢都好緊張架...佢係一個好經典o既和平主義者...
嘉達︰大埔班朋友o既其中一個，我地o既認識亦係因為o個間叫MPHK o既公司，亦都係以前o既男朋友之一，同佢一齊o個陣都好開心架，但係一齊左唔係好耐...散左之後繼續做返好朋友...
小霖︰大埔班朋友o既其中一個，我地o既認識都係因為o個間叫MPHK o既公司，佢係另外一個我好後悔教左佢食煙o既人，睇住佢愈變愈壞，都唔知點講...
嘉瑤︰一個住係我屋企附近o既朋友，我地o既認識係因為大恩，一個好可愛o既細女(我覺得)，有排試過反面，而家雖然唔係成日聯絡，但係佢都算對我好好...
阿漢︰大埔班朋友o既其中一個，我地o既認識係因為佢係大恩o既朋友o既朋友(都好似好疏下^_^")，係我其中一個舊男朋友，散左之後都係做返朋友，但係又係N年都唔見一次o個o的，又係唔知有咩好講...
Peter︰都係以前o既男朋友，我地o既認識係因為佢係Sonic o既朋友，亦都曾經係我最愛，而家都係做返朋友，散左之後一直都冇見過，次次約親出黎都放左我飛機，冇野好講...
Sonic︰我個朋友以前o既男朋友，同Peter可以話係好朋友，亦都係我o既好朋友，一個熱愛音樂o既人...佢成日話做左而後悔總好過無做而後悔，之前我都唔認同架，但係諗諗下又覺得佢講得幾岩...
阿翔︰我o既契老豆(其實佢細過我o的o的，但係都唔明點解會做左我同阿Milk o既老豆)，以前o既net friend，有少少細路仔，但係佢都不失為一個傾到心事同埋都幾錫我o既好朋友...
阿朱︰前任男朋友，我地o既認識係阿翔，同佢一齊o個陣係我拍咁多次拖最開心o既一次，同佢一齊唔係耐，但係一齊經歷o既野都算多...散左之佢就做左我契哥...
佩佩︰識左唔算耐，我地o既認識係因為Amanda，一個思想比實際年齡細好多o既女仔，天真無邪...但係同佢一齊玩會好開心，因為佢係一個好樂觀o既人...
|
|
|
